lunes, 26 de noviembre de 2012

CUENTOS EN NAVIDAD

Este espacio se abre para que dejéis historias, relatos y cuentos cortos acaecidos en Navidad. De ahí el título. Serán cuentos que no necesariamente han de tener una temática navideña, sino que la pueden tocar tangencialmente. Al ser un espacio abierto, en un blog escolar, se exige que la temática sea accesible a todos los públicos, además no será mal intencionada, ni de mal gusto. Los cuentos se publicarán como comentarios a esta entrada, y han de ir firmados. Se anima a participar a familias y lectores
Publicado por en
Etiquetas:

2 comentarios:

  1. Anónimo28 de noviembre de 2012, 18:23

    DOS MARINOS EN TIERRA I

    Xuanín tuviera pel monte y hartóse más de la cuenta. Tenía munches ganes de calecer na cocina y fartucase bien con turrón porque yera Navidá. Aquella mesma nueche………………….yera la viéspera de Reis, solo neses feches tan señalaes volvía´l pueblu, aquél que tanto quise y agora por mieu refuxaba.
    Enantes too yera per distinto, dende neños Xuacu y yo tábemos tol día xuntos, siempre a la vera del mio pá, la so barquina de pescar y la nuesa costa. El mar Cantábricu yera misteriu, folixia, pozu de sabiduría y allegría pa nos.
    Agora tengo yá 43 años y dende fai cinco too cambió. Enantes un marino como yo dempués de meses a la mar, regresaba´l so pueblu, a la so villa marinera, con tola allegría del mundu, con regalos, con ganes de ver a familia, amigos y collacios. Buscaba'l descansu pa embarcame llueu otra vegada.
    Dempués de finar na escuela y nel institutu, Xuacu y yo, animaos pol mio pá fuimos a estudiar a la escuela de marina en Xixón. Yá yéramos nos, dos mozos curiosos y gayasperos, conocíos y apreciaos nel pueblu. Polos branos díbamos a toles fiestes de prao, díbamos per Bañugues, per Antromero, per Candás y Perlora. Les moces del nuesu pueblu quedaben pal resto de collacios, pero Xuacu y Xuan yeren bien miraos poles moces de los sitios qu´enantes dixi, y per Xivares, per Verdicio, a vegaes díbamos hasta Xixón. Al volver pasábamos por aquel prau triangular de Somonte, y siempre víamos a Rosa despedir al tren que llevaba al so hermanu, que se llevaba a la so Cordera.
    Dende cinco años p´acá, yo solo taba nel pueblu dos díes al añu, la viéspera y el día de Reis. Tola xente: pas, hermanos, cuñaos, amigos…….queríen veme contentu pero dende aquella tarde endemoniada en la Costa Norte de Nueva Zelanda, yá nun foi´l mesmu.
    Sacábenme a tomar sidres y copes, ya preparar de nueche los regalos de Reis pa los neños. Pero na de na, yo esperaba al sieti de Xineru p'alloñame d´allí.
    El mio corazón escondía un marino, un marino´n tierra qu'inxamás surcaría la mar. Dicíenme toos que la vida non finaba ehí, que tenía que siguir, que nun podía quedar frenáu como una aguya del reló qu'a Cenicienta
    hubiéra-y prestao tener.
    Xuacu y yo estudiamos y aprendimos. La ilusión pola mar nos guiaba. Finamos d´estudiar y recorrimos mundu, enrolaos faciendo la mili nel Xuan Sebastián el Cano.
    Na Marina tuvimos hasta los 30, y salimos d'oficiales p'aventuranos na marina mercante. Equí fuimos faciendo carrera y dineru. Los regresos al nuesu pueblu yeren sonaos, pasábamoslo toos en grande y llueu otra vegada a la mar. Siempre xuntos, siempre ilusionaos.
    Ye’l día de güei que veo aquello tan alloñao. Dende que traxe a Xuacu y metímoslu na furaca, xuré que nun vería´l mar, ya nun veo'l mio mar, ni la barquina del mio pá, por nun ver, a vegaes nun quiero ver na.
    El mio pá, con la autoridá que-y daben cuarenta años de marinar pel Cantábricu, alvertíanos munches coses, pero sobre too que nun-y diéramos la espalda a la mar.
    Asina dime cuenta que la mar nun fai collacios,
    asina dime cuenta de lo traicionera que ye la mar,
    que pola espalda y sin avisar llevóse al mio amigu,
    llevólu al fondu del mar.
    Yo vime inútil, insinificante y vacíu al nun podelu salvar.
    Pa non llegar coles manos vacíes buscamos y buscamos hasta podelu encontrar.
    Esa foi la cabera vegada que vi'l mio mar,
    al soltar nél les cenices de Xuacu, l'amigu de Xuan.
    La imaxen nun se me quita de la cabeza, mientres de Xuacu me despedía, tamién lo facía del mio mar, colos güeyos clavaos en la Cordella Cantábrica, qu'en díes de cielu limpiu vese dende'l mio mar. Mar que yá nun ye de mio. Nesi momentu declaré a los dos, Xuacu y yo, marinos en tierra. Fixéme los montes y los bosques y a ellos me foi, agora soi guardaviescas y los días que nun soi a vivir, nun puedo evitar ver el mar, no'l mio mar. Voi al mirador del Fitu y mi reló anque sele, torna funcionar.......

    .....continúa.....

    ResponderEliminar
  2. Anónimo28 de noviembre de 2012, 18:26

    DOS MARINOS EN TIERRA

    .....continuación

    Nun sé que me pasa esti añu, toi diferiente, ta prestándome ver xente, alternar con hermanos y collacios. Tanto que me sorprendo, pues yá de madrugada, pa casa nun quiero dir, el mío cuñáu y los mios hermanos déxenme por imposible, anque ellos tamién tán guapos. Cuando algamo la casa de los mios pas, llevo un sustu y entamo dar voces y glallíos: “ Pá, Pepe, LLuis, Ánxel….. veníi toos, hai tres barbudos en casa robándonos, entamen los glallíos de toos y la engarradiella. Hasta que sal mio pá y danos bofetones y carrellaes a toos. Dizme que faigo yo vestíu de Papanoel, échanos a los cuatro de casa y diznos que pensemos qué conta-yos a los neños pela mañana.
    La mañana ye dura pol dolor de la tiesta, pero toi como nun facía tiempu que taba. Dígo-y a la mio ma que prepare unos bocadillinos que voi llevar los neños na barca de pá hasta la Isla del Carmen. Toos en casa tán contentos, venme animosu y allegre como enantes. Esi foi´l meyor regalu de Reis que tuvi enxamás, pues el reló de mio volvió a funcionar, metíme de xuru na rueda de la vida.
    Los sobrinos soltaron los xuguetes y vinieron pa mio, pa que-yos contara lo que pasó anuechi. Yá´n la isla díxi-yos coses como que´l problema yá venía del añu pasáu, cuando´l camullu de Baltasar atropielló a Rodolfo, el renu de Papanoel. Como nun me creyeron acabe diciéndo-yos que tanto los quería Papanoel qu’empeñóse en da-yos otru regalu, pero como ta tan gordu quedó atascáu na chimenea y los Reis tuvieron qu'ayudalu.
    Nun me creyeron na, pues son neños pero nun son babayos.
    Dende esi día supi recordar al mio collaciu y vivir al mesmu tiempu. Enxamás navegaría más allá de les agües de la mio villa marinera.
    Siguiríamos siendo dos marinos en tierra.

    Mauricio'l de Verdicio


    ResponderEliminar

Suscribirse a: Enviar comentarios (Atom)